Општи услови

1. Дефиниции

• Термините користени во Договорот за кредит и останатата документација за кредитот, го имаат значењето дефинирано во овие Општи услови, доколку поинаку не е утврдено со посебните услови.

1.2 Сите Анекси кон Договорот за кредит се неразделен, составен дел на Договорот за кредит и заедно со овие Општи услови, Тарифите и Договорот за кредит претставуваат една целина и се обврзувачки за договорните страни. Под терминот Договор ќе се подразбираат и евентуално склучените анекси. Во случај на конфликт меѓу одредбите на Општите услови и Посебните услови, преовладува значењето на Посебните услови.

2. Предмет на Договорот за кредит

2.1 Со склучувањето на Договорот за кредит, Кредиторот се обврзува да исплати износ на кредит и Корисникот на кредит го прифаќа износот на кредит во висина утврдена во Посебните услови на Договорот и се обврзува да изврши отплата на Износот на кредит, каматата, провизиите и другите надоместоци и трошоци како што е предвидено во согласност со условите на Договорот и Амортизациониот план.

3. Апликација за регистрација на клиент

3.1 Пред да поднесе барање за кредит, секој клиент кој има намера да воспостави деловен однос со кредиторот пополнува образец – Апликација за регистрација на клиент со која ги прифаќа Општите услови и во која ги внесува сите потребни лични податоци, согласности и изјави согласно законската регулатива и потребите за аплицирање, одобрување и издавање на кредит (како на пример согласност за: обработка на лични податоци; проверка на кредитна способност преку Македонско кредитно биро, КИБС и/или други јавни бази на податоци; директен маркетинг; изјава за носител на јавна функција и сл.).

3.2 При пополнувањето на Апликацијата за регистрација на клиент, Корисникот е обврзан да даде изјава дали ги прифаќа овие Општи услови и Изјава дали е носител на јавна функција, како и да означи дали ги прифаќа и дали дава изречна согласност за дадените опции за соодветните согласности, употреба на информации и транспарентност и обработка на лични податоци и согласност за директен маркетинг.

3.3. Апликацијата за регистрација на клиент може да се пополни или во некоја од подружниците на кредиторот со лично присуство, или онлајн преку веб-страната.

3.4 Согласностите и изјавите дадени во Апликацијата за регистрација на клиент се важечки неопределено време. Корисникот е согласен дека дадените изјави се важечки, се однесуваат и се применливи и за секое наредно поднесено Барање за кредит, се до евентуално нивно повлекување од страна на корисникот. Повлекувањето на согласностите се врши со пополнување образец за повлекување на претходно дадена согласност/изјава во писмена форма или преку друг траен медиум.

3.5 Корисникот го информира Кредиторот за секоја измена на податоците наведени во Апликацијата за регистрација на клиент, во Барањето за кредит или во Договорот за кредит вклучувајќи ги личните податоци, адресата на живеење или престојување, е-маил адресата на Корисникот, телефонскиот број, платежната сметка, документот за личната идентификација, измени кај статусот Носител на јавна функција, веднаш по настанување на промената, со повик од својот телефонски број, преку својот Профил на Веб страната или во подружниците на Кредиторот и е должен да изврши ажурирање на изменетите податоци на начин согласно применливата регулатива.

3.6 Кредиторот може во одредени временски интервали, согласно законските обврски и интерните Политики и Процедури, да побара задолжително ажурирање на податоците на корисникот, а во зависност од видот на податокот кој е променет ажурирањето може да се врши на начин во согласност со важечката регулатива.  

3.7 Корисникот е единствено одговорен за точноста на податоците внесени во Апликацијата за регистрација на клиент. За било какви грешки при пополнување на податоците, настанати по вина на корисникот, кредиторот не сноси одговорност и сите последици од таквите грешки паѓаат на товар на корисникот.

4. Барање за кредит

4.1 За да поднесе барање за кредит и да го склучи Договорот, корисникот мора да ги исполнува и потврдува дека ги исполнува следните основни критериуми во текот на целиот период на важење на Договорот за кредит:

4.1.1. да е физичко лице;

4.1.2. да има најмалку 18 години возраст;

4.1.3. да е државјанин на Република Северна Македонија;

4.1.4. дека аплицира за кредит во свое име и за своја сметка;

4.1.5. во моментот на поднесување на Барањето за кредит и во моментот на склучување на Договорот, е целосно деловно способен и не е под дејство на алкохол или на наркотични, психотропни, токсични или други опојни супстанции.

4.2 корисникот на кредит ја потврдува својата намера да поднесе барање за кредит и да бара одобрување на кредит на еден од следниве начини:

4.2.1. со лично присуство, преку своерачно потпишување и поднесување на Барањето за кредит до вработените на кредиторот во некоја од подружниците на кредиторот; или

4.2.2. со потврдување на Барањето за кредит на далечина, преку личниот Профил на соодветната веб-страница на кредиторот, со електронско извршување на потребните дејствија и со внесување на единствен електронски код испратен преку СМС Системот на Кредиторот на телефонскиот број на Корисникот, и/или доколку е применливо, со електронско потпишување на документите со квалификуван електронски потпис;

4.2.3. со поднесување на Барање за кредит по телефон – по пат на комуникација со вработените од Центарот за грижа на корисници кај Кредиторот, доколку е применливо, согласно политиките и процесите на Кредиторот;

4.2.4. со поднесување на Барање за кредит преку овластен Кредитен посредник којшто врши посредување при склучување на потрошувачки кредити врз основа на писмено овластување за кредитен посредник заверено на нотар и издадено од Кредиторот.

4.3 Корисникот е единствено одговорен за точноста на податоците внесени при поднесување на првото, како и секое наредно Барање за кредит. За било какви грешки при пополнување на податоци, настанати по вина на Корисникот, Кредиторот не сноси одговорност и сите последици од таквите грешки паѓаат на товар на Корисникот.

4.4 Во случај корисникот да е Носител на јавна функција, а притоа Апликацијата за регистрација на клиент ја пополнува онлајн, преку профилот на веб-страната, својството на носител на јавна функција го означува во апликацијата и по пополнувањето на Апликацијата за регистрација, Барањето за кредит не може да го поднесе онлајн, туку задолжително мора да го поднесе со лично присуство во некоја од подружниците на Кредиторот.  Кредиторот може да го одбие Барањето за кредит на Носител на јавна функција во согласност со интерните процедури.

5. Идентификација на корисник на кредит

5.1 По приемот на Барањето за кредит, а пред склучување на Договорот за кредит, корисникот е должен да му овозможи на кредиторот да изврши негова идентификација и верификација на идентитетот во согласност со важечката законска регулатива.  

5.2 Идентификацијата и верификацијата на идентитетот на корисникот може да се изврши на еден од следниве начини:

5.2.1. со лично идентификување на корисникот од страна на вработени кај кредиторот во просториите на некоја од подружниците на кредиторот, преку презентирање од страна на корисникот на оригинален, важечки документ за лична идентификација (лична карта или пасош);

5.2.2. со електронска идентификација на далечина преку користење услуги од издавач на средства за електронска идентификација со високо ниво на сигурност, регистриран во Регистарот на даватели на доверливи услуги и на шеми за електронска идентификација, согласно Законот за електронски документи, електронска идентификација и доверливи услуги – доколку е применливо;

5.2.3. со идентификување на корисникот преку низа технички постапки и механизми интегрирани во личниот Профил на веб-страната на кредиторот, со прикачување на важечки документ за лична идентификација, верификација на мобилен телефонски број и е-маил адреса, внесување на единствен електронски код, испратен преку СМС системот на кредиторот на телефонскиот број на корисникот, внесување на банкарска платежна сметка и верификација на внесените податоци од страна на Кредиторот преку проверка во соодветни бази на податоци - доколку е применливо, а во согласност со применливата регулатива.

5.3 Верификацијата на корисникот преку телефонски број и телефонските разговори со Корисникот се обврзувачки за двете страни, ако корисникот го користел пријавениот телефонски број за телефонскиот повик и ако за време на повикот бараната информација за договорот за кредит му е дадена на кредиторот. Кредиторот ги снима телефонските разговори.

5.4 Кредиторот може, по свое наоѓање, да ја прекине комуникацијата по телефон со користење на пријавениот телефонски број или преку профилот на Веб - страната, да спроведе идентификација на корисникот и да бара одредено дејствие, наместо да биде извршено преку средства за комуникација на далечина, да биде извршено со физичко присуство во подружниците на кредиторот. Корисникот е согласен и ја прифаќа ваквата одлука.

5.5 Профил на корисникот се креира на Веб - страната, а почетната лозинка се испраќа на е-маил на корисникот и на телефонскиот број на корисникот. Корисникот при првото најавување на профилот е должен да ја промени првичната лозинка и да не ја споделува со трети лица. Корисникот е должен со особено внимание да управува со корисничкото име и лозинката потребни за најавување на профилот. Корисникот е согласен дека Кредиторот не сноси одговорност за неовластено користење на корисничкото име и лозинката на корисникот.

5.6 Комуникацијата меѓу страните преку Профилот и Веб - страната е обврзувачка за двете страни. Со потпишувањето на Договорот за кредит, корисникот потврдува дека е согласен и свесен за правилата за користење на Веб – страната и Профилот наведени во Договорот за кредит и на Веб-страната.

6. Одобрување на кредит и склучување на Договор за кредит

6.1 Кредиторот има право да го одбие барањето за кредит со обично информирање на корисникот за одлуката за одбивање на барањето. Кредиторот нема обврска да ја образложува одлуката за одбивање на барањето за кредит.

6.2 Доколку барањето за кредит се одбие заради добиените информации од бази на податоци кои се користат согласно важечки законски прописи, кредиторот или кредитниот посредник веднаш и бесплатно го информираат корисникот на кредит за тие информации, во сите случаи, освен ако давањето на информациите е забрането со закон.

6.3 Кредиторот има право да не го одобри износот на кредит баран со барањето за кредит и, врз основа на спроведената проценка на кредитната способност на корисникот има право да предложи друг износ на кредит кој корисникот на кредит може да го прифати или да го одбие. Во таков случај, нема да се бараат измени на Барањето за кредит, но конечниот износ на одобрен кредит ќе биде потврден и одобрен од корисникот на кредит со потпишување или одобрување на Договорот за кредит во согласност со процедурите утврдени во овие Општи услови и во посебните услови на Договорот.

6.4 Корисникот на кредит има право да аплицира за кредит неограничен број пати. Кредиторот има право да не го разгледа барањето за кредит и да не донесе одлука по барањето за кредит доколку корисникот прекршил претходно склучен договор со Кредиторот.

6.5 Корисникот има право да склучи Договор за кредит, само доколку претходно одобрениот и исплатен кредит е отплатен во целост.

6.6 Пред да се обврзе со понуда или со договор за кредит, кредиторот или кредитниот посредник, на корисникот на кредит, во писмена форма или преку друг траен медиум, му ги доставуваат преддоговорните информации за понудените кредитни услови, на посебен формулар, кои се потребни за споредба на различните понуди, со цел донесување на одлука за склучување на договор за кредит.

6.7 Ако договорот се склучува по барање на корисникот со користење на средства за комуникација на далечина што не овозможуваат давање на договорните услови и информации во согласност со наведеното погоре во точка 6.6, Кредиторот е должен да ја исполни обврската веднаш по склучувањето на договорот.

6.8 Понудата за кредит дадена од Кредиторот ќе важи 3 дена од датумот на испраќање на таквата понуда. Наведениот период ќе се смета од датумот на кој понудата е дадена по телефон, лично во некоја од подружниците на кредиторот, преку Профилот на веб-страната или преку СМС системот на кредиторот - доколку е технички применливо. Доколку корисникот на кредит не ја потврдил понудата за кредит во горенаведениот рок, кредиторот повеќе нема да биде обврзан со понудата и, по приемот на задоцнета потврда од корисникот или ново барање за кредит од истиот корисник, кредиторот може по свое наоѓање да го одбие новото барање за кредит, да ја обнови претходно дадената понуда за кредит или да даде нова понуда.

6.9 Договорот за кредит може да се склучи:

6.9.1. со лично потпишување од корисникот на кредит во некоја од подружниците на кредиторот; или

6.9.2. со склучување договор на далечина, без истовремено физичко присуство на кредиторот и корисникот на кредит, со исклучиво користење на едно или повеќе средства за комуникација на далечина, како што е технички применливо, согласно Законот за електронски документи, електронска идентификација и доверливи услуги и другата применлива регулатива.

7. Склучување договор во подружница на кредиторот

7.1 Одредбите од ова глава се применуваат како дополнување на одредбите од главите 4 и 6 од овие Општи услови.

7.2 Доколку кредиторот го одобри барањето за кредит и ако е договорено договорот за кредит да се склучи со физичко присуство во некоја од подружниците преку кои работи кредиторот, понудените кредитни услови на Договорот му се објаснуваат на корисникот и Договорот се потпишува на лице место, во некоја од подружниците на кредиторот. Самото поднесување на Барање за кредит од корисникот, како и објаснувањето на кредитните услови на Договорот од страна на вработени на кредиторот, на корисникот на кредит, нема да претставуваат склучување на Договорот.

7.3 Договорот ќе се смета дека е склучен исклучиво откако ќе биде своерачно потпишан од двете договорни страни.

8. Склучување договор на далечина

8.1 Одредбите од оваа глава се применуваат како дополнување на одредбите од главите 4 и 6 од овие Општи услови.

8.2 Доколку кредиторот го одобри барањето за кредит и ако е договорено договорот за кредит да се склучи на далечина, без истовремено физичко присуство на кредиторот и корисникот на кредит, со исклучиво користење на едно или повеќе средства за комуникација на далечина (како телефон, СМС систем на кредиторот, Профил на веб-страната, интернет и сл.), кредиторот ќе ги понуди одобрените услови на кредит и ќе го информира корисникот на кредит за преддоговорните информации за условите на кредитот, на еден од следниве начини:

8.2.1. со повикување на корисникот на кредит на телефонскиот број на корисникот и информирање на корисникот за вкупниот износ на кредитот и условите за негово искористување; траењето на договорот за кредит; каматната стапка, условите со кои е уредена примената на каматната стапка, и доколку е применливо секој индекс или референтна стапка на почетната каматна стапка, како и периодите, условите и процедурите за промена на каматната стапка; износот на поединечната рата, бројот на ратите и доколку е применливо редоследот на пристигнување на ратите кои корисникот треба да ги плати; како и годишната стапка на вкупни трошоци, преку репрезентативен примерок и вкупниот износ што го плаќа потрошувачот.

8.2.2. со овозможување достапност до преддоговорните информации на личниот Профил на корисникот - на веб-страната и/или на е-маил адресата на корисникот.

8.3 Договорот за кредит во овие случаи ќе се смета за склучен и ќе стапи на сила кога:

8.3.1. кредиторот ги направил достапни преддоговорните информации, Договорот за кредит и останатата документација на личниот Профил на корисникот креиран на веб-страната на кредиторот и корисникот се согласил со и го потврдил прифаќањето на условите на Договорот на начин што го потпишал Договорот електронски, со внесување на единствен електронски код испратен преку СМС Системот на кредиторот на телефонскиот број на корисникот или доколку е применливо со квалификуван електронски потпис. По извршеното внесување на единствениот електронски код или по потпишување со квалификуван електронски потпис, се смета дека Договорот на далечина е потпишан од страна на корисникот. Веднаш по склучување на Договорот за кредит на далечина, кредиторот испраќа примерок од преддоговорните информации и Договорот за кредит до корисникот на кредит, на неговата е-маил адреса и на личниот Профил на веб-страната.

8.4 Со извршување на дејствијата наведени во клаузула 8.3 од овие Општи услови, корисникот на кредит ја потврдува својата волја да го прими кредитот, се согласува дека договорот меѓу Страните е склучен на далечина, односно договорот е склучен во електронска форма преку комуникација на далечина и не мора да биде своерачно потпишан од двете страни, и дека ги прочитал и се согласил со условите на Договорот и прифаќа дека е обврзан со нив.

8.5 Кредиторот ќе ги задржи сите комуникации на далечина (телефонски повици, е-пошта и активност на личниот Профил и на веб-страната) помеѓу Страните, за целите на квалитетот на услугите на клиентите и зачувување докази. Корисникот признава и се согласува дека комуникацијата на далечина може да се користи на суд за да се докаже дека Договорот и/или измените на договорот се склучени.

8.6 Доколку Договорот е склучен по пат на комуникација на далечина -  со користење личниот Профил на Корисникот на веб-страната на Кредиторит или преку говорна телефонија, е-маил, или други средства за комуникација на далечина, тогаш Корисникот признава дека пред да влезе во Договорот, ги прочитал, разговарал, условите му биле објасенети од Кредиторит и се согласил со условите на Договорот како што се наведени во посебните услови од Договорот (Дел 1 од Договорот) и Општите услови (Дел 2 од Договорот) и е запознаен и согласен дека Договорот склучен на овој начин не треба да биде потпишан од двете страни.

9. Исплата на износот на кредитот

9.1 Договорот за кредит претставува основ за исплата на Износот на кредитот, на начин на кој побарал Корисникот при поднесување на Барањето за кредит.

9.2 При стандардна обработка на Барањето за кредит, а по разгледување и оцена на кредитната способност, одобрување на барањето и верификување на доставените информации и/или документи, доколку се исполнети претходните услови за исплата на износот на кредит предвидени во овие Општи услови и во Договорот за кредит, исплатата на кредитот се врши најдоцна во рок од 48 часа по истекот на 14 дена од потпишувањето на договорот за кредит, на платежната сметка на корисникот на кредит, преку банкарска трансакција.

9.3 Корисникот има право да побара итно разгледување на Барањето за кредит, вклучувајќи ја и верификацијата на доставените информации и/или документи, за што Кредиторот пресметува Провизија за итно процесирање, согласно Тарифите и го обработува барањето за кредит веднаш, наместо стандардниот рок од 14 дена.

9.4 Корисникот е согласен дека исплатата на кредитот Кредиторот ќе ја изврши во рамките на работното време на Кредиторот и на учесниците во платниот промет (банки). Доколку исплатата на кредитот се врши преку банкарски пренос на платежна сметка на Корисникот, во одредени случаи како што се неработни денови, празници и слично, исплатата на одобрениот Износ на кредитот ќе биде извршена првиот нареден работен ден, односно соглсно терминскиот план за работа на платниот систем.

9.5 Се смета дека корисникот го примил износот на кредитот (или соодветниот дел од него) по извршувањето на плаќањата наведени во клаузула 9.4 од овие Општи услови.

9.6 По барање на Корисникот, износот на кредитот може да биде исплатен во готовина во подружниците на Кредиторот, за што Кредиторот пресметува Провизија за исплата во готово во подружница, согласно Тарифите.

9.7 Износот на кредитот нема да биде исплатен на Корисникот доколку Корисникот погрешно ја навел банкарската платежна сметка или другите податоци во Барањето за кредит се невистинити и неподобни за проверка, а Договорот за кредит ќе стане неважечки, за што Кредиторот соодветно го информира Корисникот.

10. Отплата на кредитот

10.1 Корисникот на кредит се обврзува да ги изврши исплатите за кредитот, каматите и применливите провизии и надоместоци на датумите, во износите и во валутата утврдени во Амортизациониот план. Сите уплати од корисници на кредит задолжително се вршат во валута македонски денари и плаќање во други, странски валути не е возможно и не се прифаќа. Корисникот има право во кое било време во текот на траењето на договорот за кредит бесплатно да добие амортизационен план, по претходно поднесено писмено барање или од својот телефонски број или преку својот Профил на Веб - страната, а за издавање на секоја друга форма и вид на потврда и информација, Кредиторот има право да наплати соодветен трошок согласно важечката тарифа во моментот на издавање на потврдата, односно информацијата.

10.2 Корисникот на кредит врши уплата на своите обврски, на начин и во рокови утврдени во Договорот за кредит и Амортизациониот план, со уплати преку банкарска трансакција на една од сметките на кредиторот или во готовина, во една од подружниците на кредиторот.

10.3 Корисникот изјавува дека го прифаќа секое плаќање извршено од трето лице во име и за сметка на Корисникот направено во подружницата на Кредиторот, како и дека со така извршените плаќања, Кредиторот може да ги затвори обврските на Корисникот кои произлегуваат од Договорот за кредит. Корисникот изјавува дека е согласен Кредиторот да ги потврди информациите дадени од трето лице кое ја врши уплатата во подружницата на Кредиторот во однос на висината на долгот за кој третото лице врши уплата. Корисникот изјавува дека нема да го смета Кредиторот за одговорен по ниту еден основ ниту да побарува било каква штета од него поради потврдување на информации дадени од трето лице кое ја врши уплатата, а во однос на висината на долгот.

10.4 При вршење на уплати по Договорот за кредит, корисникот, односно третото лице, е должно при секоја уплата на Сметка на кредиторот да наведе доволно податоци со цел уплатата да може да се идентификува и поврзе со корисникот. Ќе се смета дека корисникот, односно третото лице, навеле доволно информации за идентификација на уплатата доколку при уплатата се наведени единствениот матичен број на корисникот и бројот на Договорот за кредит. Корисникот може да го контактира кредиторот со цел добивање на точниот број на Договорот за кредит. Доколку уплатата ја прави трето лице, корисникот е должен да му ги обезбеди на третото лице потребните информации за успешна идентификација на уплатата.

10.5 Доколку корисникот или трето лице изврши плаќање што не е согласно одредбите од клаузула 10.4 од овие Општи услови, кредиторот има право да го смета таквото плаќање како неидентификувана уплата, а тоа плаќање ќе се смета за невалидно се до моментот на идентификација. Кредиторот ќе преземе разумни мерки за идентификација на уплатите без доволно податоци, но во случај на неуспех, нема обврска да преземе дополнителни дејствија за идентификација на уплатата и не сноси одговорност за било каква штета која може да настане како резултат на неидентификувана уплата. Во случај на неидентификувана уплата корисникот, односно третото лице е должно да поднесе до кредиторот писмено барање за идентификација на уплатата во кое ќе наведе по кој основ е направена уплатата.

10.6 Кредиторот не е одговорен за уплати кои го надминуваат износот кој Корисникот му го должи на Кредиторот согласно Договорот. Кредиторот нема обврска да преземе дополнителни дејствија и не сноси одговорност за било каква штета која може да настане како резултат на направена неоснована Преплата. Корисникот изјавува дека е запознаен и се согласува секоја Преплата да се смета и да претставува авансна уплата за затворање на идни обврски, освен ако Корисникот изречно не побара враќање на Преплатата. Доколку Корисникот нема идни обврски спрема Кредиторот должен е да побара поврат на Преплатата, при што ќе наведе дека уплатата е направена без основ, и ќе достави платежна сметка на која сака да биде извршен повратот. Доколку преплатата е во износ за кој банкарската провизија за уплата на средствата на сметка на корисникот е повисока од износот кој се враќа, преплатата нема да се враќа на корисникот. Во случај ако Корисникот на кредитот уплати сума во износ кој не е доволен за да ги отплати сите доспеани износи согласно Договорот и Амортизациониот план до датумот на уплатата (помалку уплатен износ), со платениот износ се отплаќаат прво трошоците во врска со неисполнување на обврската на Корисникот за отплата на кредитот и провизиите за користење на дополнителни услуги, а со преостанатиот износ се затвораат доспеаната камата и главницата на кредитот.

11. Каматна стапка

11.1 Каматата се пресметува врз основа на 365 (триста шеесет и пет) дена годишно или 366 (триста шеесет и шест) дена во престапна година.

11.2 Кредиторот ја пресметува каматата врз основа на договорната каматна стапка утврдена во посебните услови од Договорот и во Тарифите. Договорната каматна стапка е изразена на годишно ниво, и е фиксна и непроменлива за цело времетраење на договорот за кредит.

12. Право на откажување од договорот за кредит

12.1. Корисникот на кредит може да се откаже од договорот за кредит во рок од 14 дена, без да наведува причина за откажувањето за кредити со рок на отплата еднаков или подолг од 14 дена. Рокот на откажување започнува да тече од денот на склучувањето на договорот или од денот кога корисникот ги добил условите и информациите од договорот, доколку тој ден е подоцна од денот на склучувањето на договорот. Корисникот може да го искористи правото за откажување од договор за потрошувачки кредит, со известување до кредиторот во писмена форма. За остварување на ова право, корисникот може да го користи однапред пропишаниот формулар, или пак да состави и достави свое известување и да го достави во една во подружниците или преку електронска пошта на [email protected].

12.2. Доколку корисникот го искористи правото на откажување, должен е да ја плати главнината и каматата за периодот од искористувањето на кредитот до денот на плаќање на главнината, веднаш но не подоцна од 30 дена од денот на известувањето на кредиторот за откажувањето од кредитот. Каматата се пресметува врз основа на договорната каматна стапка, согласно важечката Тарифа.

12.3. Кредиторот има право на надоместок на неповратните трошоци платени во врска со договорот за кредит кон јавни или државни органи.

12.4. Доколку кредитот е исплатен на платежна  сметка на корисникот, исплатените парични средства задолжително се враќаат на сметката на кредиторот преку банкарски трансфер. Доколку Износот на кредитот е исплатен во готовина, корисникот може да направи поврат на паричните средства преку банкарски трансфер или во една од подружниците на кредиторот.

Известување за откажување од договор за потрошувачки кредит

12.5 Во случај корисникот на кредит да не го искористи правото на откажување од договорот во рокот наведен во клаузули 12.1 и 12.2 од овие Општи услови, корисникот нема право да се откаже од Договорот за кредит по изминување на рокот, но може да го искористи правото на предвремена отплата на кредитот.

13. Право на предвремена отплата

13.1 Корисникот има право во кое било време да го плати, целосно или делумно, недостасаниот дел од Кредитот со поднесување на писмено барање за предвремена отплата во една од подружниците на кредиторот. Во случај корисникот да изврши плаќање кое го надминува достасаниот износ за плаќање, а не поднел писмено барање за предвремена отплата до кредиторот, во кое ја изразил намерата за целосна или делумна предвремена отплата, истото нема да се смета како предвремена отплата, туку како Претплата.

13.2 Во случај на предвремена отплата, корисникот има право на намалување на вкупните трошоци на кредитот, кое се состои од каматата и другите трошоци за преостанатиот период на траење на договорот за потрошувачки кредит.

13.3 Кредиторот има право на праведен надоместок за трошоците директно поврзани со предвремената отплата на кредитот. Таквиот надоместок не смее да надмине 1% од износот на предвреме отплатениот кредит, доколку периодот меѓу предвремената отплата и рокот на траење на договорот за потрошувачки кредит се случи во период подолг од една година од рокот на траење на договорот за потрошувачки кредит, односно не повеќе од 0.5%, доколку предвремената отплата се случи во период не подолг од една година од рокот на траење на договорот за потрошувачки кредит.

13.4 Корисникот е должен до го намири во целост надоместокот за предвремена отплата на Кредитот на денот на целосната или делумна предвремена отплата на кредитот.

13.5 Во случај на целосна или делумна предвремена отплата на кредитот, не се враќаат веќе наплатените провизии, надоместоци и трошоци за искористени незадолжителни, дополнителни услуги, кои доспеваат веднаш по склучување на договорот за кредит и се наплаќаат при исплатата на кредитот.

14. Измени на Договорот

14.1. По претходно поднесено барање од страна на корисникот, Износот, рокот на отплата и другите посебни услови на Кредитот утврдени во Договорот за кредит може да бидат изменети согласно барањето на корисникот, и достапните понуди, опции и дополнителни услуги на кредиторот, за што ќе биде склучен соодветен Анекс на Договорот. Одобрувањето на барањето на корисникот подлежи на Провизии согласно Тарифите на кредиторот. Доколку корисникот сака да направи промени во посебните услови, треба да поднесе барање до кредиторот на еден од следниве начини: (i) лично во една од подружниците на кредиторот, (ii) со испраќање е-пошта од адресата на е-пошта наведена во Барањето за кредит или во Договорот, на е-поштата на кредиторот: [email protected], или (iii) со повикување на кредиторот од телефонскиот број наведен во барањето за кредит или во Договорот и (iv) преку личниот Профил на веб-страната.

14.2 Барањето за измена јасно и разбирливо треба да го специфицира барањето на корисникот и бројот на Договорот за кредит. Кредиторот има право да не ги разгледува барањата добиени од е-маил адреса или телефонски број што не одговараат на регистрираните е-маил адреса и телефонски борј на корисник наведени во Апликацијата за регистрација на клиент, во Барањето за кредит или во Договорот и притоа, не бил навремено, однапред известен за евентуалната промена на овие контакт податоци.

14.3. Со склучување на Договорот за кредит, Корисникот изјавува дека е запознаен и согласен во случај да бара користење на дополнителна, незадолжителна услуга за одложување на рокот на отплата на Кредитот, Кредиторот има право да пресмета и наплати договорна камата и провизија за администрирање за одложениот период.  

14.4 Доколку договорните страни по склучувањето на договорот за кредит се согласат со Анекс да го променат вкупниот износ на кредитот, кредиторот е должен да ги дополни финансиските информации за корисникот и повторно да ја процени неговата кредитна способност.

14.5 Кредиторот има право да ја одбие измената на Договорот за кредит и нема обврска да наведе причини или образложение за неговото одбивање.

14.6 Кредиторот има право да наплати надомест за измени на Договорот во согласност со Тарифите.

14.7 Корисникот има право да се согласи со или да ги одбие предложените измени на Договорот. Корисникот ќе ја потврди согласноста најдоцна во рок од 3 (три) работни дена по приемот на измените преку е-пошта или преку Профилот и со навремено плаќање на провизиите, надоместоците и трошоците кои се применливи и се наведени во Тарифите и/или Анексот.

14.8 Во случај на продолжување на рокот на кредитот, новиот Амортизационен план на корисникот ќе биде испратен на е-маил адресата на корисникот или на Профилот и Договорот ќе се чува во базата на податоци на кредиторот за периодот и на начин пропишани со релевантните закони.

14.9 Кредиторот има право да ги измени Општите услови по свое наоѓање, во секое време. Доколку кредиторот ги измени Општите услови, новата верзија на Општите услови ќе биде објавена на веб-страницата на кредиторот со важност од датумот на кој Општите услови стапуват на сила. Верзијата на Општите услови што се применуваат на Договорот за кредит ќе биде верзијата што се применувала во времето на склучување на договорот или времето на склучување на последниот Анекс на Договорот.

14.10 Во случај на макроекономска нерамнотежа која ќе резултира со најмалку 5 % девалвација на средниот курс на еврото во денари (ЕУР/МКД) како еднострана мерка на НБРСМ или 5 % депрецијација на средниот курс на еврото во денари, мерени преку зголемување на средниот курс на ЕУР/ МКД објавен од страна на НБРСМ на нејзината веб страна, кредиторот го задржува правото да ги корегира и зголеми за истиот процент на девалвација/депрецијација сите обврски на корисникот на кредит спрема кредиторот согласно Договорот за кредит (вклучувајќи, но неограничувајќи се на обврските по основ на главницата, каматата и сите провизии).

15. Права и обврски на корисникот на кредит

15.1 Корисникот ќе има право да го користи износот на кредитот што му е доделен, по сопствено наоѓање и за свои цели. Износот на кредитот ќе се користи исклучиво за законски цели кои не се забранети со меѓународното или домашното право, а износот на кредитот или кој било дел од него не смее да се користи во трансакции за предмети и/или услуги чијшто промет е забранет со закон.

15.2 Корисникот се обврзува да ги извршува своите обврски од Договорот безусловно, и го презема ризикот од неисполнување на обврските и непредвидени ситуации во врска со кредитот.

15.3 Корисникот ќе го информира кредиторот најдоцна во рок од 5 (пет) работни дена доколку корисникот или член на неговото семејство или лице кое се смета за близок соработник на корисникот, стекнало статус на носител на јавна функција.

15.4 Во случај Кредиторот поради исполнување на свои законски обврски, да има потреба од дополнителни докази, вклучувајќи, но не ограничувајќи се на, документи кои ги докажуваат редовните или другите приходи на корисникот на кредит, како и вистинити и целосни информации и документи потребни за кредиторот да спроведе длабинска анализа на клиентите во согласност со барањата утврдени со закон, кредиторот има право да ги побара таквите докази, а корисникот на кредит е должен да ги достави во рок од 7 дена од денот на прием на барањето.

15.5 Корисникот нема право да ги отстапи правата и обврските од Договорот, како и побарувањата кои произлегуваат од Договорот, целосно или делумно, на трети лица без писмена согласност од Кредиторот.

15.6 Корисникот на кредит е должен да користи само сигурни средства за електронска комуникација и пренос на податоци и опрема во врска со склучувањето и исполнувањето на Договорот и да не споделува или дава на трети страни информации, опрема и документи кои би можеле да се искористат за злоупотреби и идентификација на корисникот, вклучително, но не ограничувајќи се на пристап до податоци/опрема за интернет банкарство, паметни уреди (мобилни телефони, таблети и сл.) и документи за лична идентификација. Корисникот ја презема целосната одговорност за чување на таквите информации, опрема и документи во тајност и за сите ризици и штети доколку тие се користат од трети лица за извршување на кривични дела против корисникот и/или кредиторот.

15.7 Корисникот е должен писмено да го извести кредиторот, веднаш, но не подоцна од 5 (пет) работни дена, доколку се промени името, презимето, адресата на корисникот, е-маил адресата, телефонскиот број, или доколку се стекне со нов документ за лична идентификација (лична карта или пасош) и сл.

15.8 Корисникот има право во една од подружниците на кредиторот да добие копија од Општите услови во хартиена форма.

16. Исполнување на обврските

16.1 Исполнувањето на обврските од Договорот ќе биде во валута – македонски денари, во која е изготвен и Амортизациониот план.

16.2 Корисникот се обврзува навремено да го отплати Износот на кредитот, заедно со сите вкупни трошоци на кредитот (камата и провизија за администрирање на кредитот) како и провизии за евентуално одбрани дополнителни услуги согласно Тарифата на Кредиторот. 

16.3 Провизиите за Дополнителните, незадолжителни услуги Итно процесирање на кредит (кај кредити кадешто е применлива) и Исплата на кредитот во готовина во подружница се пресметуваат согласно Тарифите, доспеваат за наплата веднаш по склучување на Договорот и можат да бидат уплатени од Корисникот во готовина и/или преку банкарска трансакција, при исплата на кредитот, или преку зголемување на износот на кредит за износот на соодветната применлива провизија, заради наплата на износот на провизијата при исплатата на износот на кредит.

16.4 Договорот ќе остане во целосна сила и важност додека обврските на корисникот наведени во Договорот не бидат целосно исполнети и ќе се смета дека се исполнети по плаќањето на неподмирениот износ на главницата на кредитот, вкупната камата што се должи на главницата, сите пресметани и применети провизии, надоместоци и трошоци, како и провизии за неисполнување на договорни обврски и други давачки (доколку ги има), а кои се наведени во Тарифите на кредиторот.

16.5 Обврските од Договорот ќе се сметаат за навремено исполнети доколку се извршени најдоцна до последниот ден од договорениот период за исполнување на обврските согласно Договорот и Амортизациониот план. Обврската за плаќање ќе се смета за исполнета, а кредитот за исплатен и затворен кога целосната уплата за вкупниот долг по кредитот или последната уплата за преостанатиот долг ќе се евидентира и кредитира на сметката на кредиторот и кога со извршената уплата или уплати се затворени сите обврски по кредитот, без остаток, и кога по кредитот не останува никаков дополнителен износ за плаќање.

16.6 По појавата на која било од околностите наведени во клаузула 18.2 од овие Општи услови кои му даваат право на кредиторот еднострано да го раскине Договорот, Договорот ќе се смета за раскинат од датумот на кој кредиторот му испратил на корисникот известување за раскинување на Договорот.

16.7 Плаќањата за обврските од Договорот за кредит ќе се кредитираат по следниот редослед:

16.7.1. плаќање на провизии за дополнителни, незадолжителни услуги (вклучително и оние кои доспеваат за плаќање веднаш, по склучување на Договорот за кредит);

16..2. плаќање на камата;

16..3. плаќање на провизијата за администрирање на Договорот или која било друга провизија утврдена во Тарифите;

16..4. плаќање на главницата на кредитот;

17. Одговорност за неисполнување на договорните обврски

17.1. Во случај на ненавремено исполнување или прекршување на договорните обврски наведени во овој Договор согласно Амортизациониот план, Кредиторот има право да пресметува и може да наплати казнена камата во согласност со Законот за облигационите односи, сметано од денот на доспевање на побарувањето па се до денот на конечна наплата.

17.2. Во случај кога корисникот на кредит доцни со исполнување на своите обврски согласно договорот за кредит и Амортизациониот план, кредиторот пресметува и наплаќа провизија за неисполнување на договорните обврски, на дневно ниво, согласно Тарифата и истата не е вклучена во СВТ.

17.3 Плаќањето на провизијата за неисполнување на договорните обврски нема да го ослободи корисникот на кредит од должноста да ги исполни своите обврски од Договорот.

17.4.Кредиторот има право да поведе постапка пред надлежни органи за присилна наплата на долгот, согласно применливите правни прописи.

17.5. Со склучување на овој Договор, Корисникот изјавува дека е согласен Кредиторот да овласти друг субјект да му се обраќа лично нему, или на членовите на неговото домаќинство доколку се наведени како лице за контакт од страна на Корисникот, преку телефон, факс-уред, пошта, електронска пошта или друго средство за комуникација на далечина, во случај на ненавремено исполнување на договорните обврски, а со цел остварување на паричните побарувања на Кредиторот.   

17.6 Кредиторот нема да биде одговорен за какви било загуби и штети предизвикани од прекини во користењето на поштенски, електронски или други средства за комуникација, како и на техничка опрема што ги овозможува соодветните услуги на кредиторот, вклучувајќи, но не ограничувајќи се на, прекини во средствата за комуникација, прекин на телефонските линии, прекини на веб-страната, прекини во електронската размена на податоци и системите за плаќање на давателите на платежни услуги (вклучувајќи Интернет банкарство).

18. Времетраење и предвремено раскинување

18.1 Договорот ќе стапи во сила по неговото склучување и ќе остане во сила се додека не се исполнат целосно обврските на Страните на Договорот.

18.2 Кредиторот има право еднострано да го раскине Договорот со писмено известување доколку се случи некој од следниве настани:

18.2.1. Доколку Корисникот доцни со отплата или исполнување на било која друга обврска од Договорот подолго од 10 (десет) дена од датумот на доспевање;

18.2.2. Корисникот му дал лажни и/или неточни информации на Кредиторот или намерно пропуштил да даде суштински значајна информација со цел да го добие кредитот, која доколку би била обелоденета, би довела до одлука на Кредиторот да не го одобри кредитот;

18.2.3. Кредиторот располага со информации издадени од овластен државен орган што доведуваат до неможност на клиентот да учествува во финансискиот систем;  

18.2.4. Доколку Корисникот има доспеани неплатени обврски кон трети лица (влошена кредитоспособност);

18.2.5. Доколку над Кредиторот е отворена стечајна постапка;

18.2.6. Доколку Кредиторот дознал дека на Корисникот му престанал работниот однос или кога Корисникот не може да докаже дека има редовни или други приходи;

18.2.7. Ако Кредиторот не може веќе да му исплаќа кредит на Корисникот, од причини по вина на Корисникот, вклучувајќи, но неограничувајќи се на случаите кога платежната сметка на Корисникот е блокирана или затворена, па преносот на Износот на кредитот не може да се изврши;

18.2.8. Доколку Кредиторот утврдил дека Корисникот станал носител на јавна функција.

18.2.9. Корисникот починал или е прогласен за мртов или исчезнат.

18.2.10. Доколку Кредиторот ја изгуби правната и деловна способност за вршење на финансиска дејност, Кредиторот има право еднострано да го раскине овој Договор во секое време со отказен рок од 30 дена.

18.3. Корисникот има право да го раскине овој Договор со поднесување на писмено известување до Кредиторот.

18.4. Во случај на еднострано раскинување на Договорот, сите побарувања веднаш доспеваат и се наплатливи, и Кредиторот има право да бара од Корисникот предвремена отплата на договорените плаќања (договорна камата, провизии за администрирање, провизии за неисполнување на договорни обврски, главница и други трошоци.) за периодот до раскинувањето, целосна отплата на провизиите за искористени дополнителни услуги, како и законска казнена камата во случај на задоцнување сè до денот на исплата на сите договорени плаќања.

19. Обработка на лични податоци

19.1 Со потпишувањето на Договорот, корисникот потврдува дека ја прочитал, се запознал со содржината на Политиката за приватност на личните податоци на корисници достапна на Веб-страната и во подружниците на кредиторот, потврдува дека е запознат со неговите права како субјект на податоци, категориите, основата и целта на податоците обработени од кредиторот, можноста за повлекување на дадена согласност и други одредби опишани во неа и во целост се согласува со неа и ја прифаќа.

19.2 Корисникот се согласува неговите лични податоци да бидат обработувани од страна на кредиторот (за цело времетраење на важноста на согласностите дадени во Апликацијата за регистрација на клиент) и му дозволува на кредиторот да ги испраќа и пренесува податоците на корисникот на кредитот на било кои трети лица (обработувачи и корисници) во земјата и странство, вклучително Заложниот регистар при Трговскиот Регистар на Република Северна Македонија, агенции за наплата на побарувања во име и за сметка на кредиторот, како и при евентуални понуди од кредиторот кон трети страни за остсапување/цесија на побарувањата кои произлегуваат од Договорот за кредит, како и за цело времетраење на деловниот однос, во согласност со дадените согласности и изјави од Апликацијата за регистрација на клиент, да прибавува информации за проверка на вистинитоста на дадените информации, за обезбедување и одржување на кредитни услуги, за управување со кредитниот ризик, за процена на кредитната способност на корисникот од Македонското кредитно биро и од сите други достапни јавни регистри и/или бази на податоци во Република Северна Македонија и за други цели во согласност со Политиката за приватност на кредиторот.

19.3 Кредиторот може да развива кредитна историја на Корисникот за обврските на Корисникот и може да пренесува податоци за Корисникот на кредит како на Македонското кредитно биро, така и на доверители на кредиторот (вклучувајќи ги и идните доверители).

19.4 Кредиторот има право да се јави на телефон, да испрати СМС пораки или да стапи во контакт со корисникот преку користење на било какви други средства и канали за комуникација, да испрати е-маил на електронската адреса обезбедена од корисникот, како и да испраќа поштенски пратки на поштенската адреса на корисникот со цел да се стапи во контакт со корисникот, а во врска со исполнувањето на Договорот или за целите на директен маркетинг, доколку е дадена согласност.

19.5 Обработката на податоците на корисникот од страна на кредиторот за целите за обезбедување, нудење и одржување на услугите кои се предмет на Договорот за кредит, е регистрирана во Агенцијата за заштита на личните податоци на Република Северна Македонија, во која кредиторот е регистриран како контролор на лични податоци.

20. Други одредби

20.1 Кредиторот, во рок од 3 (три) работни дена по приемот на барањето на корисникот, ќе му испрати на корисникот Амортизационен план, бесплатно, на е-маил адресата на корисникот наведена во Договорот или во Барањето за кредит.

20.2 Корисникот има право да добие примерок од нацрт-договорот за кредит, освен доколку кредиторот во време на поднесувањето на барањето не сака да пристапи кон склучување на договорот за кредит со конкретниот корисник.

20.3 Корисникот има и право бесплатно и без одлагање да биде известен за податоците добиени од бази на податоци врз основ на кои кредиторот го одбил барањето за кредит. Своите барања корисникот може да ги истакне преку контактирање на кредиторот по телефон или со испраќање барање до кредиторот преку е-пошта на [email protected]. По приемот на барањето, информациите ќе бидат испратени до корисникот на е-маил адресата наведена во Договорот или во Барањето за кредит или лично доставени во една од филијалите на кредиторот, во заемно договорено време.

20.4 Сите известувања од Страните ќе бидат во писмена форма на македонски јазик и ќе бидат испратени до другата Страна по пошта, преку е-маил или на личниот Профил на веб-страната на корисникот. Преписката испратена по пошта ќе се смета дека е примена на 8-ми (осми) ден по датумот на испраќање, освен ако не е поинаку договорено.

20.6 Споровите меѓу Страните ќе се решаваат така што корисникот најпрво ќе му пристапи на кредиторот со приговор/жалба или барање и ќе се обиде да го реши спорот преку преговори. Доколку страните не успеат да го решат спорот со преговори, корисникот има право да поднесе барање до релевантните здруженијата за заштита на потрошувачите или на суд во согласност со постапката утврдена со законите и прописите на Република Северна Македонија. За деловните односи на страните, правата и обврските и решавањето спорови, кои не се предвидени во договорот, ќе се применуваат одредбите и решенијата во согласност со позитивната правна регулатива на Република Северна Македонија.

20.7 Доколку Договорот е склучен во некоја од подружниците на кредиторот, Договорот ќе се состави и потпише во 2 (два) примероци, од кои еден ќе го чува кредиторот, а другиот корисникот. Двете копии од Договорот ќе имаат иста правна сила.

20.8 Доколку Договорот е склучен од далечина преку личниот профил на веб-страница или со друго средство за комуникација на далечина, Договорот склучен помеѓу Страните ќе биде испратен во електронска форма до корисникот, на е-маил адресата и/или на Профилот на корисникот, а Договорот ќе се чува во базата на податоци на кредиторот за периодот и на начин пропишан со релевантните закони.

20.9 Страните се обврзуваат да не откриваат на трети страни какви било информации што произлегуваат од Договорот, освен во случаите предвидени во законите и прописите на Република Северна Македонија и соодветниот Договор.

20.10 Кредиторот може да пренесе (отстапи) побарувања или делови од побарувањата, кои произлегуваат од Договорот за кредит, на неограничен број трети лица (доверители), во целост или делумно, со можност Кредиторот за да го задржи правото да го сервисира Договорот за кредит по сопствена одлука. Корисникот се согласува со правото на кредиторот да ги отстапи (пренесе) правата и обврските или побарувањата што произлегуваат од Договорот или дел од него на неограничен број Трети страни. Корисникот не се спротивставува и го признава легитимниот интерес и правото на кредиторот во таков случај, да ги открие на трети страни сите информации што произлегуваат од Договорот.

20.11 Корисникот на кредитот е информиран дека во случај на отстапување на побарувањата или нивни делови коишто произлегуваат од Договорот за кредит, истиот останува непроменет и во случај на отстапување (цесија) третите лица можат да ги отстапат побарувањата или нивни делови што произлегуваат од Договорот за кредит на неограничен број други трети лица.

20.12 Корисникот признава дека во случај на отстапување/пренесување на правата и обврските што произлегуваат од Договорот, корисникот продолжува да му ги отплаќа договорените износи согласно Договорот на Кредиторот, или во случај на отстапување на побарувањата без задржување на правото на сервисирање на кредитот, на третите лица (доверители), освен доколку Кредиторот не го извести Корисникот за спротивното.

20.13.Ако кредиторот продолжи да ги сервисира договорните плаќања според Договорот, корисникот ќе продолжи да ги врши договорните исплати на кредиторот на сметката на кредиторот или на друга сметка како што може да биде наведено во известувањето на кредиторот до корисникот. Дополнително, корисникот признава дека кредиторот нема обврска да го информира корисникот за фактот дека кредиторот продолжува да дејствува како застапник (повереник) за новите доверители. Доколку кредиторот ги отстапи побарувањата што произлегуваат од Договорот на трети страни без да продолжи да ги сервисира плаќањата од Договорот што произлегуваат од договорот, корисникот ќе отпочне да ги врши плаќањата за обврските од Договорот на новодоставенитеите сметки на новиот доверител наведени во известувањето од кредиторот кон корисникот.

20.14 Корисникот е информиран дека Кредиторот има право и може со договор за залог да ги заложи побарувањата кои произлегуваат од Договорот за кредитен, во согласност со Законот за договорен залог.

20.15 Корисникот се согласува дека кредиторот, кога им нуди можност на трети лица да им ги отстапи правата и обврските и побарувањата што произлегуваат од Договорот, ќе има право да им ги открие на трети лица следните информации поврзани со корисникот: приходите, расходите, кредитната историја, име, презиме, полот, возраста, адресата на Корисникот на кредитот, како и други информации од Договорот за кредит потребни за исполнување на целта заради која се откриваат, и /или заради исполнување на законска обврска на Кредиторот, вклучително и упис во соодветни јавни регистри.

21. Завршни одредби

21.1 Со потпишување на Договорот за кредит, Клиентот потврдува дека ги прочитал и ги разбрал овие Општи услови, и дека е запознаен дека истите, заедно со Тарифите и евентуалните Анекси се составен дел од Договорот за кредит.

21.2 Во случај на спор меѓу страните, истиот може да се реши спогодбено, односно вонсудски, по пат на порамнување или медијација. Доколку страните не можат да го решат спорот спогодбено, истиот ќе биде решен од страна на стварно и месно надлежен суд како што е утврдено со важечките закони.

21.2 Орган кој врши надзор на ФД ФИНМАК ДОО Скопје во однос на усогласеноста со Законот за заштита на потрошувачите при договори за потрошувачки кредити и Законот за финансиски друштва е: Министерство за финансии Ул.Даме Груев бр. 12, 1000 Скопје Тел.: +389 2 3106-159 Факс: + 389 2 3117- 280 Емаил: [email protected] .

* ФД ФИНМАК ДОО Скопје е регистрирано за вршење финансиска дејност - одобрување кредити, согласно „Законот за финансискитете друштва”, врз основа на дозвола за основање и работа издадена од Министерството за финансии, со Решение бр.13-6093/4 од 25.08.2017 година.